Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

دعوامی نشنل ګوند (ANP) پیغام

د لوی او بخښونکی خدای په نوم


نن چې افغانان راټول شوی او د مرحوم ډاکتر کبیر خان ستوری لومړی تلین لمانځی زه د خپله اړخه دغه افغانی فرهنګیانو ته خراج تحصین وړاندی کوم چې د خپلو میړنیو او اتلانو په یاد داسی درنې غوندی جوړوی.
ډاکتر کبیر ستوری هغه پښتون مشر ؤ چې خپل ټول ژوندئې د پښتنو د یووالی، قامی وحدت، ترقی او سوکالی ته وقف کړی ؤ. هغه ته دا پوره احساس ؤ چې خپل ویشلی پښتون/ افغان قام څنګه خپل قامی وحدت تر لاسه کړی.
د افغانانو خاوره په مرکزی او منځنی اسیا کې د خپل جغرافیائې موقیعت او ستراتیجیک اهمیت له مخی خپل خاص ارزښت لری.
انګریز هغه قام دی چې هغه هندوستان ته د جنوب له اړخه د سمندر په لار د تجارت په شکل راغی. د صناعتی انقلاب نه مخکې په دی سیمه کې د زرو مرغی هندوستان یادیده.
په دونیا کې چې هر څوک په خپل طاقت مغرور شوی نو د هندوستان د قبضه کولو لپاره ئې بری سغیر هند ته ځان رارسولی دی، خو د انګریزانو نه مخکې دا ټول حمله اور یرغلکر هند ته د شمال له طرف نه راغلی دی او دغه شان هغوی هند ته د رسیدو نه وړاندی د افغانانو سره مخامخ شوی، ځکه چې هندوستان ته دا لوی لښکر د افغانانو د خاوری تیریدو او افغانان که طاقت ور ؤ او که کمزوری ؤ خو ښه په نره د دوۍ سره جنګیدلی دی.
انګریزان د تاجرانو په حیث هندوستان ته راغلی ؤ او په ډیره اسانه د هند د حکمران په حیث قابضه شو. انګریز دپښتنو/ افغانانو خاوری ته په دی خاطر راغلی ؤ چې چې تزاری روس په مرکزی اسیا کې رامخکې کیده، د هغې د مخ نیوی او د خپلې د زرو مرغی د حفاظت لپاره د افغانانو خاوری ته راغلل. افغانان ورسره د تل په شان ښه وجنګیدل چې داسی دره او ځای پاتی نه شو چې په کې د پیرنګیانو وینه توی نه شوه.
اګر چې پیرنګیان تر ډیره ځای پوری ورسیدل او دپښتنو/ افغانانو ټوله خاوره ئې قبضه کړه.
افغانانو ته شکست(ماتی) ورکولی شی، خو په افغانانو شکست تسلیمولی(منلی) نه شی، نو همدا وجه وه چې افغانان راپاڅیدل او د غازی محمد اکبر خان په مشرې ئې په خورد کابل او بلاحصار کې د انګریزانو ۱۳۷۳۴ فوجیان قتل کړه. دغی واقعی انګریرانو ته ډیر تاوان او سدمه ورسوله د دغه داغ د وینځلو په غرض انګریران په دویم افغان جنګ کې بیا تر کابل پوری راورسیدل او په دې پوه شول چې د افغانانوکی دا مټی د پښتون دی. هر پښتون افغان دی خو هر افغان پښتون نه دی. د پښتنو د قوت د ماتولولپاره هغوی
دری غبرګی فارموله راویستله او د پښتون خاوره او قام ئې په ۱۸۹۳ کال کې په دریو برخو تقسیم کړو. د دې تقسیم نه مخکې د افغانانو تاریخ ډیر سر لوړی دی او د نړۍ په قامونو کې روښانه او څرګند دی او د دې تقسیم نه وروسته پښتون افغان قام د ژوند په هر اړخ کې ډیر شاته پاتی شو.
ډاکتر کبیر ستوری چې ددې قام غم ورسره تر عمر اخری لحظی پورې ؤ د خپل ژوند مرام دا وکرځولو چې پښتانه بیاخپل قامی حیثیت او وجود تر لاسه کړی، هغه په المان کې دا وحدت په یو لحاظ تر لاسه کړی ؤ ځکه چې هلته ئې د پښتنو ټولنیز ولسولیز ګوند (PSDP) جوړ کړو او په هغې کې لر او بر افغانان شامل ؤ، خو قامی وحدت د هغی په ژوند کې حاصل نه شو نن چې افغانان د هغه د مړینی په کالیزه راغونډشوی دی نو زما به ورته دا هیله او دا خواصت وی چې د ډاکتر کبیر ستوری د ژوند مرام چې قامی وحدت ؤ، هغې ته کلکه ملا وتړی قامی وحدت حاصل کړی که په ژوند یی پوره نه شو خو په مرګ د ستوری دغه ارمان پوره شی .

په درناوی

محمدافضل خان لالا
دعوامی نشنل ګوند مشر




يادښت : دا پیغام د 2007ع کال د اپريل د مياشتی په څلورمه نېټه د ارواښاد ډاكتر كبير ستوري د لومړي تلين په نمانځغونډه كې، چې د كونړ مېشتو فرهنګيانو په نوښت د کونړ ولایت په مرکز اسعد اباد كې جوړه شوې وه، اورول شوې دی.

- محمد افضل خان ( خان لالا) -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori