Dr. Kabir Stori ډاکتر کبیر ستوری
News Biography Books Publications Visits & Meetings Speeches Music Images Stori_Magazine Qur'an_Sharif Memories Articles Poetry

دلوی، مهربان او بخښونکي خدای پاک په نامه      د ارواښاد ډاکتر کبير ستوري انټرنيټي ديری ته هرکله راشۍ

د افغانستان د روغې او بيا ابادولو ټولنې پېغام

په کونړونو کې د اروا ښاد ډاکتر کبير ستوري د مړينې د لومړي تلين په هکله پوهنيزې(علمي) ياد غونډې ته!

ګرانو دکونړونو پوهانو، شاعرانو، اديبانو ، سياستوالو او د کونړ میشتو فرهنګیانو !
هيله ده،چې د لرې جرمني څخه زما نېکې هيلې او درنښت ومنۍ.
نن تاسو د يوه کونړي د مړينې لومړۍ کاليزه په خپلو پوهنيزه ، ادبي بيانيو او شعرونو کې لمانځۍ . نه ! ارواښاد ډاکتر کبير ستوری يواځې کونړی نه دی پاتې شوی، دی لکه په مړينه یې موږ ته نوره هم روښانه کړه ــ يو ستر پښتون / افغان وو.
ارواښاد ډاکتر ستوری په ټينګه د ستر غفارخان بابا په لار روان وو، چې په مړينه يې هم همغه د ستر بابا لار په برخه شوه.
د اروا ښاد ډاکتر کبير ستوري د مړينې غميزه د وير ده، چې موږ او تاسو يې به خپلو پوهنيزه ويناو او شعرونو کي ستايو، خو دا بخت او وياړ موږ هم لرو، چې داسې يو پښتون، داسې په پښتو او پښتنو مين پښتون مو په برخه شوی وو.
زه وياړم،چې د ښوونځي له وخته څخه را پدی خوا دده د مړينې پورې د ارواښاد ډاکتر ستوري ملګری پاتې شوی يم.
دی د رحمان بابا د لېسې شاګرد و. دا د پښتنو لېسه وه. دا د خوښۍ ځای دی،چې دې لېسې داسې يو شاګرد زموږ پښتني / افغاني نړۍ ته وړاندې کړی.
زه همدا اوس خپلې څو لنډې ژباړې د ارواښاد ډاکتر ستوري د مړينې لومړي تلين په هکله ده ته سوغات کوم، چې مينه وال يې زما د انټرنټ په پاڼه کې Shinwari.de ليدلی شی.
دا ليکنې د شمیرپوهنې( ماتيماتيک يانې ساين و کوساين .....) دي، چې زما مسلک دی.
د لوی څښتن څخه هېله لرم، چې د اروا ښاد ډاکتر ستوري لپاره دا په دې دنيا ښکلي کونړونه په هغې دنيا جنتونه وګرځوي.
ډېر د وياړ ځاي دی، چې ډاکتر ستوري زموږ لپاره د شعر او ادب او همداسې د ساه پوهنې پوهنيزې يو ډېر شمېر ليکنې پريښودي، چې دی به د پښتنو په راتلونکې کې هم ژوندی وساتي.

ستاسو ډاکتر ماخان ( مېږی) شينواری

د افغانستان د روغې او بيا ابادولو ټولنې مشر
( کولن ــ بن ) جرمنی




يادښت : دا پیغام د 2007ع کال د اپريل د مياشتی په څلورمه نېټه د ارواښاد ډاكتر كبير ستوري د لومړي تلين په نمانځغونډه كې، چې د كونړ مېشتو فرهنګيانو په نوښت د کونړ ولایت په مرکز اسعد اباد كې جوړه شوې وه، اورول شوې دی.

- ډاکتر ماخان ( مېږی) شينواری -

 بېرته شاته

Poetry & Literature       Condolence_Messages       Funeral & Condolences       Contact       Articles_in_Media       Web_Radio_Links       Websites

ساه مې واخله خو پښــتو رانه وانه خلی      زه پښــتون یم په پښـتو باندې پتمن یم      كه زما ستوري په قبر چېرې راشې      په پښتو راته دعا كړه پرې مېن يم


Sah Mee Wakhla Kho Pokhto Rana Wanakhle      Ze Pakhtoon Yem Pa Pokhto Bandey Patman Yem      Ke Zma Stori Pa Qabar Tscheri Rashey      Pa Pokhto Rata Dua Kawa Prey Main Yem

Chief Admin/Editor :  Emal Stori  => emalstori@gmail.com     Copyright © 2006 - 2016     kabirstori.com     All  Rights  Reserved     Khost-Web.Net-Stori    


      ويکيپېډيا   =>  ډاکټر کبير ستوری     For Site Best View, Please  =>   Download-Pashto-Fonts    PSDP  =>  pashtoonkhwa.com    Wikipedia  =>  Kabir-Stori